Below is a serious in-house discussion of Fulbe problems in Nigeria. I discussed why Fulbe should venture into other avenues apart from the three recommended by Danfodio: knowledge, farming and animal husbandry. I added a fourth: marketing.
Let them start adding value to their products, like selling meat, as their counterparts in other West African nation do. Such ventures will help solve their big problem of unemployment and reduce crime among them, having lost their cattle to rustlers, ethnic crises and desertification.
Happy reading:
Fulɓe e Luumol nder Nijeeriya
Joomirawo waddii jamunu ko halli to Fulɓe Nijeeriya: Na’i amen keenyi. Iyaalu ɗuuɗi. Ko ɗuuɗi nder sukaaɓe amen accii durgol ngam na’i keppaama - ɓe ngalaa ilmu, ɓe ngala sanaa’a, faa woɓɓe nder maɓɓe nattanii guika e fasnde (robbery) e mabol (kidnapping) nyimb'e. Jurumɗum wallahi! To ni mi eftii hoore ngam mi eewa ko ɓadotoo Fulɓe leydi amen, walaa ko mi teenata sai iyeede ɓaleere kirim. En toskii. Haani Fulɓe taaskitoo ɓe huula no ɓe wawtirta torraji (problems) ɗii.
Aardiiɓe ɗuuɗbe wolwii dow daɓɓitol ilmu, e demal, e durgol, amma ceɗɗan maɓɓe tindini lenyol amen dow sanaa’a. Hannde banda demal e durgol, woodi sanaaji ko ɓiɓɓe men nattata. Walaa ko wawtirta torraji Fulbe bano sanaa’a, musamman luumol (marketing). Naane Fulɓe nganyii luumol, ɓe accanii ngol lenyii goɗɗi. Kamɓe Fulɓe sai ni ɓe dura, ɓe ngadda na’i maɓɓe luumo ngam woɓɓe kiirsa, soora. To ɓe demii maa non. To ɓe toorrake ɓe demii, sai ɓe njanga ko ɓe heɓi ɓe hokka woɓɓe soora. Ɓe ngartii jaggooɓe (primary producers) tan; woɓɓe ɓeedata nafaari (value) dow torra maɓɓe, keɓa ceede duuɗɗe, ɓe acca Fulɓe e jaggoo nder tosku.
To en njangii bangaaraaku (butchery) masalan, en tawai bangaaro e heɓa faa ko towi 40% ceede nagge. To o soodi ngaari N150,000 haa pullo, in sha Allahu o heɓai ɓeedaari (profit) N80,000 to o soori tewu maage. Nder nyalde go’ tan! Pullo bo torrake e ngaari din duuɓi jowi, ko nyalɗe 1,825 fandako o heɓi o soorige N150,000. To a foodi torra duuɓi jowi nder N150,000 ndum, sai towa pullo nder keppol (loss) woni, hinaa keɓal. Bangaaro bo heɓii N80,000 nder nyalde goo tan.
To koi saɗi nder bangaaraaku ko haɗi Fulɓe nattugo ngu? Daa ni Fulɓe nattai luumo, daa risƙu maɓɓe ɓeedake sanne sanne. To en njangii durgol misali, sai ɓe dema, ɓe dura, ɓe tekkina nga’i maɓɓe, ɓe jaha luumo, ɓe kiirsa nga’i ɗin, lenyol maɓɓe ƙeɓa ɓeedaari N80,000 diya ko men wolwi.
Ko haɗi Fulɓe waɗugo non kuje tati: aadi (custom), kaɓɓe (superstition) e aardaaku (social status). Hande fuu tati ɗii ƴaaraama. Diiina warii ɗakkake kaɓɓe. Walaa ko heɓata pullo ngam o natti bangaaraaku. O toskataa, sai ni maa o nafita. Aadi bo e wailo to jamanu wailake. To dunyaru wailake. Du jiɓɓake kadin. Aardaaku Fulɓe bo nafataa to ngu ɓeedataa ɓe risku. Ɗume waannu maa e laamu Fulɓe to laamu ngun sukkantaama ko nyamrirtaa iyalu maaɗa?
Haani Fulɓe Nijeeriya ekkito ko Fulɓe Hirna-Afirka fuu ngaɗata. To neɗɗo yehii Senegal, Guinea, Sierra Leone, Mali, Cote D’ivoire, Burkina, fuu, on towai Fulɓe kamɓe jeyi kantiiji mauɗi. E ɓe nder kala keɓal fuu. E asawre, e kuukuutirki, e ngooga, hannde kamɓe ɓuri kala lenyol risƙu to faaɗa fuu nder Hirna-Afirka. Amma to Nijeriya, e ɓe nder sakkitiiɓe, hatta dow woylankeeɓe (northerners).
Mi tindinii en, bandiraaɓe am. Shehu Usumanu Foodiyo tindinii en dow kuje tati: Jangirde, durgol, e demol. Hannde, mi ɓeedanii en nayaɓo: luumol.
Tambee luumol. To on accanee woɓɓe.
On jaaraama!
Dr. Aliyu U. Tilde
8/3/17
No comments:
Post a Comment