Danfodio's First Song on Mp3

Inde Jooman
De
Shiekh Usmanu Ɓi Fooduwo

1. Inde Jooman fuɗɗiraimi
Annabiijo mantoyaimi
Hashimiyankejo giɗmi
Ya giɗaaɗo an ngiliimi
Shenoyaa men nder sunooji

2. Ya shubaaɗo nder nulaaɓe
Shubtodaaɗo nder suɓaaɓe
Ɓurnayaaɗo nder ɓagaaɓe
Shubtu men hauta e juulɓe
Faaba ya njom mu’ujizaaji

3. Hisnumen ulbaago yiite
Kisnuyaa men eehe jaute
Jaute dunya faa hisaate
Fa siraaɗullahi yaute
Hisnumen ya jom jurooji

4. Ngarki maaɗa handitii men
Jaili maaɗa jainanii men
Lesdi maaɗa beegeyii men
Beege maaɗa sakriniimen
Hisnumen yandere bojji

5. Nandi maaɗa danyataake
Kinfi maaɗa heutataake
Giɗo maaɗa tasrataake
Kori maaɗa hisnataake
Yende dargal nder nguleeji

6. Leddi sujdii ngam nulaaɗo
Lebbi shooyii ngam shuɗaaɗo
Be’wa tirti ngam shubaaɗo
Ɓundu welnii ngam giɗaaɗo
Kanko njeena sama’aaje

7. Lelwa wolwii ngam Muhammad
Suudu wolwi ngam Muhammad
Rulde ɗooni ngam Muhammad
Fuuli ɗooni ngam Muhammad
Kanko jaali kala kunooje

8. Tun Badar heeferɓe kiirsa
Ƴam nana tauraata Muusa
Hootu ƴam Injiila Iisa
Ko hoƴaa Fuqaana dursa
Allah wurtinnma sekooje

9. Inde yayi ɓurɗo tagle
Kanko yedto nder shuɗeele
Kanko yi’ete yiite huule
Kuri makko oon heƴoole
Yende dargal nder zufooje

10. Yerda Jooman ɗabbitaimi
Ɓurɗo tagle an ngeliimi
Kanko haƙƙan beegetiimi
Ya sheniiɗo an toriimi
Faaba ya jom hinnayeeje

11. Naadu men Firdausi maaɗa
Hollumen ɓurnaaɗo maaɗa
Hisnumen giiteeli maaɗa
Riskumen ni’imaaji maaɗa
Dumnoyaa men nder seyooji

12. Ahmada an men ngilorto
Ahmadaa an men juroorto
Ahma an men kooliroito
Ahma an men kaaftiroito
Yende dargal nder sufooji

13. Geɗu yaamen ɗuuli maaɗa
Hollumen Njom arshi maaɗa
Tarnamen Laamido maaɗa
Hisnumen ngam barka maaɗa
Yende men shaaka ɗereeji

Tammat bihamdillah

Check your WhatsApp for your copy if you've registered with me. Otherwise send me a whatsapp message on 09027013289. You get it when I form another list with your number included.